15-мамыр Отбасы күні

Менің отбасым – кішкентай Отан сияқты, ол әрдайым мені қолдайды және түсінеді. Ұрысып қалғанның өзінде, тез арада татуласамыз. Өйткені, жанұяны мектеп те, балабақша да ешқашан ауыстыра алмайды. Бұл ортада сіз әрқашан қымбат адамсыз және бақытқа қол жеткізу үшін жақындарыңыз бәріне дайын. Өз отбасыңызды бағалаңыз, бұл тағдырдың берген сыйы. Менің жанұям – өте берік және мейірімді. Барлығы бір-бірін құрметтейді және әр мүшенің өзінің атқаратын рөлі бар. Мысалы, анашым балалардың ауа-райына сай киінуін және үйдің тазалығының сақталуын қамтамасыз етеді. Ал, әкем үйдегі барлық қара жұмысты өз мойнына алады. Ол бізге әрқашан көмек көрсетуге дайын. Атам мен апам зейнеткерлікке шыққан. Олар көп уақытын бақшада көкөністер мен жемістерді өсірумен өткізеді. Сондықтан, біздің дастарханда үнемі жаңа піскен тағамдар тұрады. Мен өз ата-анамды сүйемін, біз бақытты отбасымыз.